დამბალხაჭო საკვებად გამოიყენება როგორც მშრალად, ყველივით, ასევე, მისგან ამზადებენ ხინკალს, ხაჭაპურს და ტრადიციულ ფშავურ კერძს - ხაჭოერბოს. დამბალხაჭოს ძალიან უხდება ჟიპიტაური და ასევე, მშრალი თეთრი ღვინო და ლუდი.
თავისი გემოვნური თვისებებიდან გამომდინარე ხანის ყველს ძალიან უხდება იმერული ღვინოები: ციცქა, ცოლიკოური, ასევე, ქართლის ღვინოები: ჩინებული და გორული მწვანე.
მოცხარო - მოტკბო, დავარგებული ყველის პიკანტური ტონები ცნობილ ღების ხაჭაპურს განუმეორებელსა და ყველა სხვა ხაჭაპურისაგან განსხვავებულს ხდის. ცნობისთვის ღების ხაჭაპურის გულსართს რამდენიმე ყველისგან ამზადებენ.
თავისი გემოვნური თვისებების გამო, ჩოგს ძალიან უხდება მშრალი, მაღალი ტანინის მქონე როგორც თეთრი (ხიხვი, ქისი, კახური მწვანე, რქაწითელი), ისე წითელი ღვინო (საფერავი, მუკუზანი), რაც ამ ყველის პიკანტურ გემოს სრულყოფილად აბალანსებს.
თავისი გემოვნური თვისებების გამო ის ძალიან უხდება ნახევრად ტკბილ ღვინოს ( ქინძმარაული, ხვანჭკარა, ტვიში, ახაშენი) და ასევე, ძალიან გემრიელია ერბოსთან ერთად გაცხელებული.
თავისი გემოვნური თვისებებით შუშველა ძალიან უხდება მსუბუქ თეთრ ღვინოს (ჩინური/ჩინებული, გორული მწვანე, ციცქა, ცოლიკოური). აგრეთვე, ძალიან კარგია სალათების, კანაპეების, ტოსტების მოსამზადებლად.
თავისი გემოვნური თვისებების გამო საუკეთესოა ნაბახუსევზე, ის ძალიან უხდება მსუბუქ თეთრ ღვინოს (ჩინური/ჩინებული, გორული მწვანე, ციცქა, ცოლიკოური) და ასევე, ძალიან გემრიელია ტაფაში გაცხელებულ, ერბოსთან ერთად.
„ტენილი“ ყველი შესაძლებელია მიირთვათ როგორც ცალკე, ასევე, გამოიყენოთ სალათების, აპეტაიზერების მოსამზადებლად. იგი შესანიშნავია ისეთ დესერტულ ღვინოებთან, როგორიცაა ქინძმარაული და ხვანჭკარა, ნიგოზთან და მშრალ ხილთან ერთობლიობაში. „ტენილთან“ ერთად ასევე, ძალიან გესიამოვნებათ კახური მეთოდით, ქვევრში დავარგებული ტანინიანი თეთრი და წითელი ღვინოები.
კალტს, ჩვეულებრივ, ტრადიციულ ადგილობრივ სასმელთან - ალუდთან (ლუდი) ერთად მიირთმევენ.
„სველ კალტს“ ტრადიციულად, მიირთმევენ ლუდთან ერთად. ხოლო, თანამედროვე ქართულ კულინარიაში იგი წარმოადგენს ერთ-ერთი შემადგენელ კომპონენტს კანაპეების, ტოსტებისა და ბრუსკეტებისათვის.
საზანოს იმერული ყველი საკვებად მსუბუქი პროდუქტია და მას ხშირად მოიხმარენ როგორც ახალ ყველს. იგი ძალიან უხდება ცხელ მჭადს (სიმინდის კვერი), ხოლო პიტნით და ტარხუნით გადაზელილი იძენს განსაკუთრებულ გემოსა და არომატს. ყველაზე მთავარი კი ის არის, რომ საზანოს იმერული ფართოდ გამოიყენება ხაჭაპურის დასამზადებლად.
ნარჩვი გამოიყენება როგორც ცალკე საჭმელად, ისე, ცომეულისა და ხაჭაპურის გულსართად. მას ასევე მოიხმარენ შეცხელებულს - კერძზე მოსასხმელად. ნარჩვისგან მზადდება უგემრიელესი სვანური ჭიშდვარი (ყველითა და სიმინდის ფქვილით გამომცხვარი კვერი).
სულგუნი ძალიან გემრიელია როგორც ცალკე საჭმელად, ასევე, ფართოდ გამოიყენება ხაჭაპურის გულსართად, გებჟალიისა და ნადუღის ფირფიტების მოსამზადებლად. სულგუნით ასევე, ამზადებენ განთქმულ სვანურ ჭიშდვარს (სიმინდისა და ყველის კვერი).
სულგუნი ძალიან გემრიელია, როგორც ცალკე საჭმელად, ასევე, ფართოდ გამოიყენება ხაჭაპურის გულსართად, გებჟალიისა და ნადუღის ფირფიტების მოსამზადებლად. სულგუნით ასევე, ამზადებენ ჭიშდვარს (სიმინდისა და ყველის კვერი).
კობის ყველი გამოიყენება გულსართიანების - ხაბიძგინას, ფხლოვანას, ჭახრაკინას დამზადებისას, ასევე, მისგან ამზადებენ ხინკალს. ძალიან უხდება ღვინოს, განსაკუთრებით კი მაღალი ტანინის შემცველობის ღვინოს.
კაზლა ყველი სადესერტო ყველია, რომელიც ძალიან უხდება საუზმეს, სალათებსა და ასევე, შესანიშნავია სტარტერების მოსამზადებლად. თუმცა, ამ ყველის გულსართით გამომცხვარი მეგრული თუ იმერული ხაჭაპური ალბათ ერთ-ერთი საუკეთესოა ხაჭაპურებს შორის.
ამ ტიპის “ხმელი ჩხირები“ უფრო მეტად გამოიყენება წვნიან კერძებში და შესანიშნავია სხვადასხვა მწვანილის და ბოსტნეულის წვნიანებში.
სუფრის ყველი მნიშვნელოვან როლს ასრულებს თანამედროვე ქართულ კულინარიაში, როგორც სტარტერი და სტარტერების შემადგენელი ინგრედიენტი, ხოლო ქვევრში დაყენებული რქაწითელი, ქისი, საფერავი, კახური მწვანე და ჩინური მას ძალიან უხდება.
დაკენჭილი ყველი გემრიელია როგორც მშრალად საჭმელად, ასევე, სასაუზმედ და სალათების მოსამზადებლად. იგი აგრეთვე, საუცხოოა ხაჭაპურისა და გურული ღვეზელის მოსამზადებლად.
მეგრული გუდის ყველი შესანიშნავი აპეტაიზერია წვეულებისათვის და მას ძალიან უხდება წითელი ნახევრად ტკბილი ღვინო, როგორიცაა ოჯალეში, უსახელაური და სხვა.
თუშური გუდის ყველს არაფერი უხდება ისე, როგორც ტრადიციული, კახური წესით ქვევრში დაყენებული რქაწითელი და ქისი, ასევე, საფერავი.
გუდის ყველი მნიშვნელოვან როლს ასრულებს თანამედროვე ქართულ კულინარიაში, როგორც სტარტერი და სტარტერების შემადგენელი ინგრედიენტი. ასევე, შესანიშნავ პიკანტურობას ანიჭებს ბოსტნეულის სალათებს, ხოლო ღვინოებიდან შეესატყვისება ქვევრში დაყენებული რქაწითელი, ქისი, საფერავი, კახური მწვანე და ჩინური.
გვაჯილა საგემოვნო თვისებების გამო ყველაზე ხშირად მოიხმარება საუზმის დროს და ამიტომ ცნობილია როგორც საუზმის ყველი. ის ასევე ძალიან უხდება ბოსტნეულის სალათებს, ხოლო მსუბუქ, თეთრ დესერტულ ღვინოსთან ერთად განუმეორებელი სტარტერია.
