თუშეთის მთების მონახულებისას, აუცილებელად ეწვიეთ თუშური გუდის ყველის საწარმოს, რომელიც გომეწრის ხეობაში, სოფელ ალაზნის თავში მდებარეობს.
თუშური ტრადიციებით დამზადებულ ყველს, აქვს გეოგრაფიული აღნიშვნისა და ადგილწარმოშობის დასახელება მინიჭებული რაც იმას ნიშნავს, რომ პროდუქცია მოიცავს ყველა იმ მახასიათებელს, რომელთა ფორმირება ხდება განსაზღვრული ადგილობრივი, ბუნებრივი გარემოს ზეგავლენით.
-
აქ შეგიძლიათ დააგემონოთ საქონლისა და ცხვრის რძით დამზადებული გუდის ყველის ნაირსახეობა:
- ლარტუშო - ძროხის რძის გუდის ყველი
- სვილობი - ცხვრის რძის გუდის ყველი
- დოვნა - შერეული რძის გუდის ყველი
- ჩობი - ცხვრის რძის მდნარი ყველი
- კალტი - ცხვრის რძის ნადუღი
საწარმოში სტუმრობა სეზონურად შეიძლება და ის სტუმრებს მაისიდან ოქტომბრამდე მასპინძლობს.
-
მთა-თუშეთი საქართველოს ისტორიული მხარეა და ახმეტის მუნიციპალიტეტში, ზღვის დონიდან 900-4800 მეტრის სიმაღლეზე მდებარეობს. თუშეთი შეტანილია იუნესკოს მსოფლიო მემკვიდრეობის საცდელ სიაში. გომეწრის ხეობა პირაქეთა თუშეთს განეკუთვნება და აქ შეგიძლიათ დაათვალიეროთ ისეთი ისტორიული სოფლები, როგორიცაა:
- ჩაღმათუშეთის სოფელი ჟველურთა
- გოგლურთა
- ვესტომთა
- ბუხურთა
- ილიურთა და სოფლის სალოცავი
- ბეღელა
- დოჭუ
- ბოჭორნა.
