ყველის საწარმო „არია“ მდებარეობს სამეგრელოში, სენაკის მუნიციპალიტეტის სოფელ მენჯში. ამბობენ, რომ მენჯის იალაღებზე მობალახე საქონლის რძეს განსაკუთრებული საგემოვმო თვისებები აქვს. როგორც საწარმოს დირექტორი, ანნა, ამბობს, სენაკის რძის გემო იმ ბუნებრივი თერმული წყლებისგან გამომდინარეობს, რომლითაც საქონელი საძოვარზე ყოფნის დროს იკლავს წყურვილს.
„არია“ ამ ეტაპზე 50 სახეობის რძის პროდუქტს აწარმოებს და მისი ასორტიმენტი თხის, ძროხისა და კამეჩის რძეზე დამზადებული ქართული და ევროპული ყველის ათობით სახეობას ითვლის.
ყველის საწარმოს თითქმის ოცწლიანი ისტორია გააჩნია. ტრადიციული ტექნოლოგიით დამზადებულ ყველთან ერთად, „არია“ მომხმარებლებს საფირმო რეცეპტებით ამოყვანილ ყველსაც სთავაზობს: ბაზელს, კამეოსა და მსგავსი ყველის ასორტიმენტს სხვაგან ვერსად გასინჯავთ.
„არია“ ასევე ფლობს საკუთარ თხის ფერმას. ფერმაში საკვების მოყვანისას მხოლოდ ორგანული სასუქი გამოიყენება და თხებიც ბუნებრივ პირობებში, ლაღად იზრდებიან.
„არიას“ დანერგილი აქვს HACCP-ის სტანდარტი, რაც გულისხმობს, რომ საწარმოში წარმოებული პროდუქტი უვნებელი და მიკვლევადია. საწარმოში შესაძლებელია ყველის მასტერკლასების გავლა და წარმოების პროცესში ჩართვა.
-
„არია“ აწარმოებს შემდეგი სახეობის ყველს:
- რიკოტა
- ყველა სახეობის მოცარელა
- კამეჩის და ძროხის სულგუნი (როგორც ნედლი, ისე მარილიანი)
- ქარხნის ყველი
- ზაფხულის ყველი
- მეგრულ-აფხაზური ყველი
- ულა პატა სტრაჩატელა
- შებოლილი სუგუნის ხემსები
- შებოლილი მოცარელა
- არია ნერო
- არია მოლდი
- პასტა პარმა
- ბაზელი
- კამეო
- თხის და ძროხის ნედლი ყველი
- თხის დაძველებული ყველი
- ყველი „ამსტერდამი“
-
სოფელი მენჯი სამეგრელო-ზემო სვანეთის მხარეში, სენაკის მუნიციპალიტეტში, მდინარე ცივის ხეობაში მდებარეობს. აქ ჰავა სუბტროპიკულია და შესაბამისად, რბილი, უთოვლო, მცირედ ნალექიანი ზამთარი იცის. მენჯი ცნობილია თავისი ბალნეოლოგიური კურორტით. აქ გოგირდწყალბადიანი თბილი მინერალური წყლის ბუნებრივი აბაზანებია და მას სამკურნალო დანიშნულებით მოიხმარენ.
საწარმოში ვიზიტისას, შეიძლება მოინახულოთ აქვე მდებარე სხვა ღირშესანიშნაობებიც:
- ნოქალაქევის ნაქალაქარი
- ნოსირის აბანო
- ნოსირის არქეოლოგიური ძეგლი
- კოტიანეთის ციხე
- მენჯის ციხე
- ეკის ციხის ნანგრევები
- ციხეგოჯი
- ნოქალაქევის ორმოცმოწამეთა ეკლესია
- გოგირდოვანი წყლების აბანო
- კოტიანეთის ციხის ნანგრევები ,,არამიშ ნოხორი
- ძვ. სენაკის წმ. გიორგის სახ. ეკლესიის ნანგრევები
- ,,ქუაშ ოხორიშ“ ციხე
- საგანგაშო კოშკი - ძველი სენაკი
- ,,ჯგემარიონის“ ეკლესიის ნანგრევები
- კვაუთის მთავარანგელოზის სახ. ეკლესიის ნანგრევები
- მაცხოვრის სახელობის ეკლესიის ნაშთი
- ჩიქოვანების აბანო
- დადიანების საგვარეულო ნაგებობა
- ,,ხომონის“ გვირაბი
- ხორშის მაცხოვრის სახ. ეკლესიის ნანგრევები
- ნოსირის რომაული ტიპის -აბანოს ნანგრევები
