მესხეთი

კოოპერატივი „მესხეთი“ ახალციხის მუნიციპალიტეტში, სოფელ ანდრიაწმინდაში მდებარეობს. საწარმოს მფლობელობაშია მესაქონლეობის ფერმა. საწარმოში მზადდება ტრადიციული მესხური ჩეჩილი. ჩეჩილი, იგივე „დაწნული“ ყველი, ე.წ. გადაზელილი, მოხდილი რძით დამზადებული ყველია და მომზადების ტექნოლოგიით წააგავს სულგუნის წარმოების პროცესს. თუმცა, საერთო მხოლოდ გადაზელვაა. მას ამზადებენ სამცხე-ჯავახეთის მაღალმთიან საძოვრებზე ზაფხულის პერიოდში და ოდითგანვე პოპულარული იყო არამარტო ამ რეგიონში, არამედ მთელს საქართველოში და მის ფარგლებს გარეთაც (მაგ: სომხეთში და აზერბაიჯანში).